4 月尾, 去左台灣 6 日自由行!
多得文少 ge 幫手, 由 book 酒店, plan 行程, 玩咩食咩佢都比左唔少意見, 仲 pro 過 d travel agent...哈~下次去台灣都一定再煩你 XD

以下 ge 行程好多都出自佢 ge 努力, 大家唔介意可以 add 佢 XD (擅自幫你賣廣告啦文少)

ptguy.edmond@gmail.com

---

第一日, 我地就搭中午機去台北 ge 桃園機場, 搭穿梭巴士去到台北 ge 高鐵站~
目的地．台南 ~





時速達 300km/hr ge 高鐵



出發~~!!
順便講講, 高鐵係有分特定位同自由位 ge
邊樣貴 d 當然唔駛講啦
我地當日揀 ge 係特定位~
車程費用大約 $110 hkd 左右~



上到車, 當然要醫肚先啦~
第一次見到台灣女仔, 真係好o爹聲o爹氣....又靚...



某人 ge 食相, 無謂比大家睇啦......我會小命不保....(咳)

個人覺得台中高鐵站靚過台北哥個~



對錯蕉....blur 左....shit -_-



去到台中, 轉搭的士去身一晚過夜 ge 酒店
去到台灣你真係唔駛擔心好似澳門咁要搵一架的士好似千里尋親咁
基本上只要你提一提手就有架的士出現o係你面前...

最重要係好多台灣的士司機 (係, o係澳門我地會叫 " 死的士佬 "....)
係．好．有．禮．貌．！

試過有幾次o係街唔識路, 羅住張地圖企o係街周圍左望右望, 有的士司機兜埋黎問你要唔要車.
我地話唔要, 佢居然教翻得地應該點行 ( 有次仲話我地唔駛搭的士, 行去都好近 )

台車果然充滿著人情味丫......澳門哥 d 死哂去邊.....

又離題了....
去到酒店放抵行李, 已經天黑咁滯
即刻出發去一中街夜市行街食晚飯~



我地就係o係呢間滷味店食野, d 野好入味, 又唔太咸!
佢好似我地平時去國華買吉吉野食咁, 不過全部都係有滷汁浸過
太好食啦, 食完先醒起無影相....哈



蠻多人排隊買 ge 野飲, 不過無試...



燒 "un" 春蛋...唔識寫 -_-



食飽行飽就翻酒店休息, 養足精神準備第二日 ge 長途旅程

---

第二日, 根據行程我地將會由台中搭 90 分鍾巴士去一個叫埔里 ge 地方.
因為要o係哥度中途再轉車去目的地．清境~!!

清境係位於合歡山上, 高約海拔 1700m (放心, 我咁屎都未有高山症, 高極有限啦....哈)



由埔里再轉車去清境, 大約坐多 60 mins 車程
期間我地不停咁上山, 轉左 n 咁多個髮夾彎 ( 頭文字 D ?)
同車有唔少人都係去清境, 識講廣東話 ge 人
仲見到一對大約 17, 18 ge 女仔一齊上山去呢 d 地方......

越上得高就越凍, 文少之前都講過上山前雖然有 26'c, 上山後得翻 12-3'c 都唔奇
我地已經後悔無帶多件厚衫......凍到震....

到步當日天氣又凍又落雨.....唔好彩......



結果我地只係o係民宿睇下電視...

---

第三日, 一起身望一望個溫度計...



望望個天, 依然係黑口黑面...
房間 ge 牆上有隻貓



當初租呢間民宿時個主人話可以任用個廚房 ge 野黎煮野食
一打開個雪櫃, 居然放滿哂食物....

先來一個英式早點, 哈~



食完野望望個天, 終於開始放晴!~



山下 ge 風景, 都咪話唔高...



間唔中會有 d 雲霧飄過黎



天氣越黎越好, 可惜黎早左一日......下次一定要黎多次睇雲海 -_-
天氣好 ge 時候, d 雲係o係你 ge 眼平線高度咁出現o係你面前@@



我地住 ge 民宿．綠邑



仲有個花園仔比你燒烤, 夜晚出黎睇星空, 天氣好 ge 話.....Orz



 
 


o係花園玩完一輪就出發去清境農場．一個有三百幾隻羊通山走 ge 地方



又肥又大隻~~哈





影到我好似屙緊屎咁......



呢度 ge 羊係隨便我地任影任攬任摸任意挑逗
不過佢地通常唔理你, 只係不停咁 dup 抵頭頭係咁吃草咬草啃草....

理下我啦...





再唔理我就......





不錯的角度~


 
仲有一對新人山長水遠黎影婚沙相

囧....唔小心影埋個招牌......





由高處望落黎 ge 清境農場~



行到咁上下會見到一個小農場, 係專放 d 小羊 ge 地方



呢度有 d 乾糧比大家買黎餵羊, $10 hkd 一包~
只要你羅住呢 d 羊, d 羊會追住你唔放...哈

有圍欄就唔駛驚啦



等食的樣子








睇完小羊, 落翻山睇翻 d 大羊~
o係呢度有個廣場, 每日會有專人表演羊咩show (當時掛住睇無影相...)
anyway, o係山上買左 d 餵羊用 ge 食物, 各位就可以開始扮牧羊人  =皿=

心想：你班畜生終於肯理我鳥





睡死在地上的腳架........



牧羊廣場 (睇表演 ge )



去完清境農場, 我地就搭車翻落去台中市區
足足o係架車度坐左三個半鍾..............曾經一度懷疑係咪上錯車......

翻到落台中時已經係夜晚 7pm
我地就轉搭的士去一間主題酒店 (!?)

揀左房間, 放抵行李, 又係時候出發去夜市飲飲食食!!

最愛 ge 尤魚~



n 咁多個波兒同 relax-kuma @@~~@@~~





今次呢個夜市比上一次哥個大 d, 多 d 商場行
聽文少講呢個係全台中最大 ge 夜市．逢甲





類似信達城 ge 商場



行行下見到有間野叫黑輪, 係食 d 吉吉野食
o係澳門, 食一碗咁 ge 野起碼駛你 50, 60
呢度....唔駛 $30hkd 攪掂





實物係幾大碗的, 係我影得唔好...-_-



食飽行飽, 玩下夾公仔~



居然一 take ko....@@



事後翻到澳門睇新聞先知呢舊野有致 cancer 物質.....即扔@@

我 ge 戰利品....哈
背面係當晚 ge 酒店房間



當晚 ge 酒店有一個好大 ge 按摩浴缸
不過 d 相好多都影得好暗......
第二日有陽光就影左佢 d 房間走廊

---

第四日

房間出面 ge 擺設



浴室~~



走廊





之後我地出發翻台北
首先我地搭車去當地 ge SOGO
因為哥度有免費車去高鐵站





我相信呢個巧合都幾難再遇到啦....



之後再次翻到台北
目的地係好多人都熟識 ge 西門町

因為當初 book 呢兩晚 ge 酒店好多都 full, 又唔想離市區太遠
率之揀左間好簡陋 ge " 大酒店 " 黎住...
真係簡陋到不得了.....好彩未算太污漕...

西門町就好似香港 ge 旺角咁...

之後周圍行下, 再食下任食燒烤 :P



Brandon 推薦 : 樂也



可以一邊食燒烤, 一邊打邊爐......實行食到你懵口懵面咁行翻出去....





仲有免費任食哈根達施......

食飽飽就出發去 101
其實都幾趕...去到先知仲有一個鍾就關門@@





之後再去誠品睇書, 點解澳門無呢 d咁 ge 書店呢...

---

第五日

台灣養 ge 兔仔



今日我地去書上面介紹一間叫肥前屋 ge 日本店食鰻魚~

好多人排隊等 ge 一間鋪....



書上面話呢間野唔貴, 但係 d 鰻魚就頂瓜瓜
一入到去人山人海....



燒玉子....厚到咁....一啖咬落去...真係不得了 @Q@



主角出場



平時我地食開 ge 鰻魚飯係有好多汁 ge
佢地反而無咩汁, 不過勁入味
總之好值得大家去試一試!

記得早 d 起身去...中午超多人排隊去食, 同埋佢只會開 4 個鍾就關門, 夜晚先再開一陣...

食完出翻黎, 條人龍依然咁多人...



台灣 ge daiso, 比澳門 grand 得多...

本來濕漉漉 ge 天氣, 到左今晚凍到震
翻工同放工 ge 溫差係 10"c...震騰騰咁渣車...

講起翻工, 而家翻早更簡直是爽, 唔駛再翻 6am 更, 即係唔駛倒夜香咁早 5am 就要爬起身睇日住出咁翻工~

其中一個早更仲係 office 更, 朝 9 晚 6, 翻呢個 shift 直頭係爽, 覺得自己 ge 生理時鍾似翻一個人類 :P

早排 join 左 physical ge $500 玩半年優惠, 之後仲 join 多一年半 ge package...呢兩年我就係 physical ge 人...
不過太多人 join, 攪到而家玩咩都超多人, 人多到好似街市咁...時不時聽到 d 舊客o係 counter 投訴個優惠令到太多人入會, 個場又唔夠大容納咁多人玩.

$500 玩半年, 真係阿豬阿狗咩人都入得...

早幾日老關生日, 大家簡簡單單咁幫佢慶祝一番, 就各自繼續埋位做野.....

 

新年期間上左同事屋企打馬吊, 發了一個小小的新年財 :)

有人說 : 蠢材通常都充滿運氣的......囧

計劃緊 3 月中去台灣的行程
上網 research, 問朋友問同事問呢問路, 好似做緊 project 咁搵料

有次聽文少講個大草原睇羊群, 聽完即刻好想去睇呢個一望無際 ge 地方

總之去一個無電腦無 VR 無 dealer supervisors pit manager CDO RDO AL 人事部 ge 地方就行了...

呢幾日翻工勁有玩激流咁爽快
因為 d 野以為做完原來根本未完
呢樣未完上面又加又轉
我地 4 個人個頭即刻大左幾倍

今日又做左 10 小時
d OT hours 都唔知點先有得放, 全世界都清緊補假
邊有空位放我 d OT hours = =

每隔一個星期日, 我地都會忙到趴地
因為要出更表比 1600+ 人睇
加上而家個新勞工法
直頭係羅我地四個人條命...

卒之, 由原先今朝翻 6am, 改左翻 9am
好後悔渣左電單車翻工.....凍到下半身有種僵鳥的感覺
翻工後一直做一直安排 N 咁多個補假比人
到走哥陣已經差唔多 8pm
太凍 ge 關係, 選擇左同卡文搭巴士翻屋企, 而家架老爺車仲o係公司對面 d 非法位度食緊西北風

..............應該唔會吃告票吧....

之後翻屋企食團年飯, 食左好多帶子  =Q=
本身約左 brandon 同 suie 飲野, 太凍 + 太疲 ge 關係, 留翻o係屋企睇下電視休息下算....

聽日年三十, 翻夜晚...到放工時已經係牛年...

今年對我黎講最受用 ge 三個字 : 共勉之

去香港前 ge 一個星期, 忙到嘔血嘖飯...
全個部門 ge 同事 ( 唔包括老細 ) 不停做, 訓醒翻工做到收工訓覺訓醒又做
記得有一晚仲留到差唔多 4am 先走...真係再留耐 d 會見到翻早更 ge 同事仲可以一齊殺入 canteen 食翻個早點先翻屋企訓...
做到咁癲, 全因為全民放補假......

結果, 我地o係短短幾日就放左 4500 個假期比人....

之後去香港三日兩夜
第一日因為唔夠時間, 去左尖咀行下街
未有燈飾睇丫 = ="""

第二日去左赤柱, 一個幾有外國 feel ge 海灘小城鎮



有市集~



有海灘~~.......好曬....



仲有個海事博物館, 不過咁o岩去哥日係休息 = =
附近有個廣場展覽緊 d 兔仔





認唔認到係邊個 ge 簽名 ?



......................................................=皿=



日落















之後翻銅鑼灣食板前
我仲要係去過咁多次香港, 今次先第一次食....





本來打算夜晚影燈飾, 不過太早去, 咩都無 = =

$10 抽翻黎 ge 玩具



翻到澳門, 又再同 d 補假搏鬥......Orz